الفرق بين الاعلان الان دور والاوت دور مع الصور

السلام عليكم

تحية طيبة ..

المقال ده موجه للسادة عملاؤنا ولكل العملاء المتوقعين لنا + لأى فرد بيبحث عن الفرق بين انواع الاعلان لشركته او لنشاطه التجارى

 لاند مارك للاعلان

وهشرح الموضوع ككل وهستعين بصور لأعمال من تصميمى مش كوبى من شغل اى حد 🙂

الاعلان انواع كتير وهنركز هنا على نوعين فقط هما الان دور والاوت دور indoor – outdoor

 

النوع الاول – ان دور

والنوع ده بيتضمن كافة انواع التصميمات والطباعة الخاصة التى تستخدم داخل الباب ، وتسمية داخل ( باب الشركة )  او الان دور بمعنى انها تستخدم بداخل الشركة نفسها او ورا الباب العمومى الى بتدخل منه الشركة وبيستخدم كمان فى الخطابات الموجهه للشركات والنشرات البريدية وكتالوجات المنتجات وخلافه

ونذكر منه :

البرشور – الفلاير – الكتالوج – الفاتورة – الايصالات بأنواعها – الليتر هيد – الفولدر – الختم – استيكر السى دى – ظرف السى دى – الظرف الامريكانى

– الظرف a3  – الظرف a4 – الظرف a5 – المجلات – الكروت

 

النوع الثانى – الاوت دور

والنوع ده بيتضمن اى اعلان خارجى الشركة بتعمله زى مثلا :

الرول اب – البوب اب – الاكس بانر – الحروف المضيئة – الاوت دور ساين – السى ثرو – الفنيل – البانر – الفليكس – الايت بوكس – الاستاندات – المعارض – المسارح – الايفنت

اولا الان دور :

البرشور :

تصميم برشور
تصميم برشور

 

بيكون مقاسه غالبا 20-30 سم بمعنى 20 سم ارتفاع فى 30 سم عرض وبيطبق 3 تطبيقات بحيث يكون قياسه النهائى 30-10 سم

بيتعمل التصميم هنا لـ 6 اوجهه 3 وش و 3 ظهر ولازم اللفندى المصمم يكون عارف هو هيعمل ايه وفين مكان التطبيق بتاع البرشور والبيلد والشغل ده كله علشان الشغل كله يطلع مظبوط للعميل .

وهتلاحظ ان فيه تنية فى الورق هنا – دى التطبيقة بتاعت البرشور 🙂

سعره بيكون على حسب نوع الورق + القياس + الكمية

الفلاير :

تصميم فلاير
تصميم فلاير

بيتعمل له تصميم للوجه والظهر فقط لان الطباعة هنا بتتم على الوش والظهر بتوع الفلاير

سعره بيكون على حسب نوع الورق + القياس + الكمية

الكتالوج :

صفحة من كتالوج
صفحة من كتالوج

بيتكون من 6 الى 1000 صفحة او اكثر ،على حسب كمية الداتا المطلوب وضعها فى الكتالوج

طبعا بيتعمل لكل صفحة تصميم خاص ليها والتصميم لازم يكون له معايير خاصة فى الجودة ويتراجع كذا مرة والالوان بنظام خاص

 لو العميل معاه تصميم هوا عاملوا غالباً بيتفرض لان مش هيراعى الالوان والسبوتات وال safe area والـ bleed فلازم التصميم كله يتعاد مضبوط

سعره بيكون على حسب نوع الورق + القياس + الكمية

الفواتير والايصالات :

غالبا قياسها بيكون ورق a4 او ورق a5 وبتصمم بنظام 1 لون وبيكون الشغل كله 1 لون كيرفات مفهوش اى صور

سعره بيكون على حسب نوع الورق + القياس + الكمية

تصميم فاتورة
تصميم فاتورة

الليتر هيد :

هو ورق الشركة وبيتعمل له تصميم 1 لون او 4 لون حسب طلب العميل وطبعا بيفرق فى السعر

نوع الورق المستخدم غالبا هو الـ 90 جرام – 100 جرام – ابيض – كونكورد ولكل تفصيله هنا سعرها الخاص

الفولدر :

بيكون حافظة للورق وبيطبع على ورق 350 جرام وبيتعمل له تصميم مخصوص لكل عميل واقل كمية فيه 1000 فولدر

تصميم فولدر
تصميم فولدر

الختم :

فى تصميم الختم بيكون 1 لون والان الختامات كلها ذاتية

التحبير مستوردة وفيه ختامات لونين وتلاتة بردوا بس مكلفة شوية

طبعا بقية الانواع مثل الظرف والمجلات مش محتاجة شرح ودى سعرها بيختلف على حسب الكمية والتصميم والمواصفات

 

 

الاعلانات الاوت دور :

بيستخدم للإعلانات الخارجية ( خارج باب الشركة ) للشركات او المؤسسات – اعلان بيخدم نشاط الشركة وعامل اساسى فى عملية التسويق – زى مثلا اعلانات الكبارى واعلانات اليونى بول والتى بول واعلانات التلفزيون والراديو كل ده اوت دور وبيحتاج فريق تجهيز مختص غير اعلانات الان دور تماماً – لو هتعمل رول اب او بوب اب بيتم طباعة عليه رسالة اعلانية محددة للجمهور او لافتة خارجية او يافطة علشان الناس تعرف عنوانك او هنا المكان المقصود يبقا كل ده اوت دور

هنذكر شوية استخدامات شائعة للإعلان الاوت دور ..

الرول اب :

عبارة عن استاند فك وتركيب

وبيجى جاهز غالبا من الصين وبيتعمل تصميم على البانر وبيتم تركيبه على الرول اب بطريقة معينة

فيه منه نوعين او تلاتة منتشرين فى السوق زى الاوت

دور رول اب والتربل رول اب والروب اب العادى والاكس بانر

وبيطبع على خامة البانر

رول اب
رول اب

الحروف المضيئة – بستخدم فى اليفط واعلانات الطرق ولها انواع كتير منها الاستانلس والاكريليك وغيرها :

يافطة كمبوند
يافطة كمبوند يافطة كمبوند

هى اليفط المضيئة ذاتية الاضاءة – عن طريق الاضاءة الليد لايت بداخل الحرف نفسه وبيكون حسابه بالمتر على حسب نوع اليافطه وارتفاعها ومواصفاتها

يعنى مفيش حاجة بسعر التانية لان كل سم فى اليافطة بيتم

تنفيذه زى ما العميل شافه فى التصميمات الخاصة الى اتعملت له

انما فيه سعر حروف ستانلس واكريليك مثلا بيتم على اساسه تسعير الشغل ولازم نعرف التركيب هيتم فين وارتفاعه عن الارض – محتاجين ونش او لا مثلا – اليافطة على شاسيه او على الحائط

مباشرة كل حاجة وليها سعرها وفى الاخر العميل بيستلم حاجته جاهزة 🙂

المعارض والبوث ده هنشرحه فى مقالة منفصلة

اتمنى تكون المعلومة وصلت بطريقة بسيطة وسهلة

تحياتى 🙂

بقلم shady

error: Content is protected !!